Декемврия 21-го дня.
В той же день Преставление Петра Митрополита Московского и всея России чудотворца.

НА ВЕЛИЦЕЙ ВЕЧЕРНИ
На Господи, воззвах: стихиры, глас 2-й. Подобен: Киими похвальными венцы:

Ины стихиры, глас той же. Творение Царя Иоанна Деспота Росийскаго.

     Кыми похвалеными венецы увяземо святителя, иже плотью в Руси суща и духовно всем достизающа, иже чисте того любяще, вернымо предстателя и заступеника, иже всемо скорбнымо утешителя, благочестия реку, землю Рускую веселящу течении, Петра, теплаго предстателя нашего и хранителя..

     Кыми пророческими пении венчаемо святителя, нечестию спротивобореца, и благочестию правителя, освященнаго ото пелено, столпа Церкви неподвижимаго, иже веся злобеныя посрамляюща, потребителя сеитова, реку многих чюдесо, землю Рускую веселящу течении, Петра, теплаго предстателя нашего и хранителя.

     Кыми духовеными пении воспоимо святителя, иже далная суща провидяща и отстоящая яко близо суща пророчествующа неложено, иже явлениеме Пречистыя первосвятителю явлешуся, дивнаго в чюдесех, исцеления весемо подавающа, землю Рускую веселящу течении, Петра, теплаго предстателя нашего и хранителя.

Слава, глас 1-й.

     Божественаго совыше явления светелостию умоме своиме просветивося, Петре, твердый умоме, законы избеже естественыя, якоже сене, благодатию же истиненою, весемудре, осияно бысте, отонюдуже и приятелише Пресвятаго Духа бысте, чюдесемо дарово приято, обогащая сими чада своя, и ныне, с первосвятители предостоя Христу, молися о душахо нашихо.

И ныне, праздника, глас тойже.

     Приимите ясли, Егоже во купине Моисей законоположенико провиде во Хориве ныне ражаемо ото Девы Духоме Божественыиме: тая и есте иже в законе реченная, тая есте пророческая печате, яже Бога плотию тленнымо являюще, Емуже поклонимося.

На литии стихиры, глас 6-й:

     Отче преблаженне, святителю Петре, аще и гробо твои молчит, но больша чудеса истекаюте, проповедают благодате всемо притекающим с верою, исцеления приемлюще. Смирения высотою обогатился еси, ею же востекло еси на небесная селения отонюду же чада своя насо свыше назираи, моляся спасти душа наша.

Глас 3-й.

     Отче преблаженне святителю Петре, Пресвятаго Духа муроположница, сын весемо, яко шипоко муроуханено, благоухавши, истачающи чюдеса притекающимо независтено. Христовым бо апостолом подобенико быво, всю Рускую землю обьходиши словесы учении своихо, тем же и далняя яко близо суща. Иже Андрея, епископа Тверскаго буяя словеса обличило еси, и милостивено поучило еси, смирению Христову ревнитель бысть, и обидимымо заступенико бысте, тем же и нас от находящих лют свободи твоими молитвами.

Глас 7-й.

     Отче преблаженне святителю Петре, кто бо, слыша безмерное твое смирение и терпение, не удивитеся. Пустыненое пребывание и еже к нищим тихосте, весемо образо и начало быв добродетели, и святителемо повинуяся, и пища образо Божия Слова, и Того Всенепорочныя Матери, и весехо святых Его. И от того умо возводя ко вышнему богоразумию, отнюду же архиереиства саном осенениемо Пресвятаго Духа почтен быво проречением иконы Божия Матери, ю же ты сам написал еси, и сие тебе воздаяние даровавоши небесная селения. Свеща светла был еси, Церковь непорочну сохранил еси, и стадо добре упасло еси, и храм Пресвятыя Божия Матери воздвижено бысте с повелением твоиме. И проуведев свое к Богу отшествие, Великому Князю Ивану Даниловичю оставлявши миро и благословение, и многолетьствие роду, и на враги победу. И по своем преставлении, яко жив сын, духом благословлявши князя и окрестный народы. Теме же и ныне молимо тя, яко же тогда, тако и ныне во твою священную памяте, невидимо насо духовено свыше назираи, царя же и перьвосвятителя и весехо верныхо соборо, иже верою ко честенымо мощемо твоимо притекающи, напастей и бедо и искушении, и ото всех лют избавитися, и греховных страстей свободитися, и Небеснаго Царьствия наследити, молися, молимо тя, помиловатися душамо нашимо.

Слава, глас 6-й. Творение Царево.

     Денесе собери рустии сошедошеся радостено празденуимо первосвятителю Петру и чюдотворецу, ото земля на небо прошедошу, благочестено торжествуимо, прежеосвященнаго ото пелено, во спасение Христовых словесеных овеце: цари свеща носяща предоидуте, царскаго благолепия чтуще, честеное украшение, святители трудо весе отоложеше радостено последующе первосвятителю Божию Петру и предстателю. Веси убо радостено возопиемо: радуйся, святителю Петре, молися прилежно о душахо нашихо.

И ныне, празднику