ПОКАЯНИЕ ЧЕРНЕЧЕСКОЕ СВЯТОГОРСКОЕ

Глаголет иерей, а он после. 

А се грехи мои: 

Блуд, прелюбодеяние, любовь ко юнным мужеложством, гръдыня, непокорьство, съпротивословие, злосердие, гнев, вражда, злопомнение, обида, клевета, осуждение, злонравие, роптание, уничижение, хула, блудозрение, блудомыслие, явноизлитие, обьядение, пианьство, сластолюбие, чревобесие, гортанное бешение, лакомьство, тайноядение, раноядение, нощиядение, к свету блевание, укор, смехотворение, пустование, блудословие, сквернословие, козлогласование, лжесловие, празднословие, скупость, немилосердие, нищенавистие, обида, сребролюбие, лихомание, зависть, ненависть, леность, небрежение, презорьство, опальство, острожелчие, невоздержание, забытие, нерадение, нечювьствие, миролюбие, тщеславие, словохотие, самохотие, красование, обетоложие, ражжение, плоти угожение, нетръпение, уныние, осязание, с женами целование, любовь неполезная, ненависть душегубная, неразумие, безумие, преслушание, самочиние, нечьстие, ярость, горесть, оглашение, рвение, лицемрьство, неверие, зловерие, неразсуждение, сплетение льстивно, пристрастие, земномудрование, малодушие, неблагодарьство, мнение, нечювьство, рукобийство, срамоглагядание на тайныя уды, на мужск и женьско скоктание, распаление, блуд, мнение на искренняго, любоначальствие, высокоумие, человекоугождение, млъва, буесловие, уклонение ума, нечистота, студолжство, убийство, всяко плотьско наслаждение и угождение и ослабление, пакости, доброукрашения, праздность, высокопарьство, вещная пристрастия, о пении небрежения, о молитве нерадение, о поклонех, леность в церкви, празднословие, дремание, блудныя мысли, на духовнаго отца мнение, осуждение на игумена, на служебники, на братию, о деле монастырском леность и небрежение, на старейших осуждение, на епископа и на священники, и на церковники, и на вся человекы, роптанием, и осудою, клеветою же и надсмеянием ближнему своему. 

    Согреших, отче мой, пред Богом и пред тобою, словом и делом и помышлением, и всеми моими чювьства, прости мя, господине, прости мя, окаяннаго.