ПОВЕСТЬ ОБ АНДРЕЕ КРИТСКОМ

МЕСЯЦА ИЮНЯ ВЪ 4 ДЕНЬ ЖИТИЕ ИЖЕ ВО СВЯТЫХЪ ОТЦА НАШЕГО АНДРЕЯ КРИТЦЪКАГО

     БЪ град Крит, и в том градъ бЪ нЪкий купецъ именем Поуливач. Иде из ложьницы своея и слышавъ той купецъ птицъ, зовомы голуби, два глаголюще между собою: «Будетъ у господина нашего радость: жена его ему родитъ сына, и нарекутъ имя ему Андрей. И той отроча убиетъ отца своего, а матерь свою себе в жену возметъ. И триста девицъ старицъ растлитъ блудомъ». (И той бЪ монастырь от града того 30 поприщь).

     И слышавъ той купецъ и удивися о глаголании птицъ тЪхъ. И той убо купецъ заповЪда бабе — повелЪ ево смерти предать. И какъ приспе время рождению его, баба же убояса суда божия и смерти, смерти отроча не предадЪ, заповЪди господина своего. И матери отроча того сказа. Мати же ево повелЪ во святом крещении ввесть иерею, и нарекоша имя ему Андрей. И повелЪ мати его прерЪзати чрево ево поперехъ ножем и повелЪ на дщицу и привязати поясом и пустити ево на море. И баба сотвори тако, яко же повелЪ мати ево.

     По повелЪнию же божиею восташа волны морския и принесоша ево к монастырю дЪвичью, зовомы Купина, от града того тридесять поприщь. И поставиша ево под монастырем дЪвичьим, и ста дщица у брега противъ монастыря.

     И выде ис того монастыря черница воды почерпнути и узрЪ отрача лежаща на дщице мужескъ полъ, едва дышуще, мало гъласа ево слышать. Та же убо черница узревъ и скоро повЪда игуменье. Игуменья же повелЪ ударить в било, и собрашася вси черноризицы, 300 их числом. И идоша досмотрити отрочати и видЪша утробу ево разрЪзану. И рече игуменья ко старицамь своим: «О дивное чюдо, сестры! Откуды сей отрочате море принесло к нашей обители?» Они же недомышляхуся, и вси богородицею (бяше же монастырь во имя богородицы Неопалимыя Купины) и глаголюще ко игуменье: «Мы не вЪмы, госпоже, сего дЪтища и не растлихомся». И рече игуменья: «Богу изволившу, тако и будетъ».

     И взя ево игуменья и велЪла зашити утробу ево и вскормиша ево от козлия млека и выкормиша ево до девяти лЪтъ и даша ево к некоей старице в научение грамоте. И нача ево посылати с сестрами.

     Отрокъ же бысть 15 лЪтъ, и вложи на ум ево ветхи зломысленный ненавистникъ рода християнскова дияволъ мысль злую. И нача отрокъ той едину по единой девице и старице оскверняти блудом, овогда силно творяще блуд, овогда любовию втайнЪ. Улучи время, что и со игуменьею блуд сотвори.

     Игуменья же видЪ свое беззаконие и собра вся сестры своя 300 числом и нача пред ними каятися грЪха своего, яко золъ грЪх сотворила еси со отраком тЪм. И рекоша старицы: «Не ради мы тому грЪху». И поклонися игуменья до земли, и сестры рекли игуменье: «И нас отрокъ той всЪхъ растли овогда волею и неволею.» И начаша плакатися.

     И рекла игуменья: «Азъ вам повЪдаю, какъ меня отрокъ изнасилилъ блудомь: прелстилъ мя святыми своими многими причами прежних человекъ падении во грЪхъ, мытарей и гонителей и блудницъ и блудниковъ и всЪхъ правЪдныхъ от вЪка. Рекъ: «Покаянием и слезами и милостынею спасохомся». Азъ же слышахъ такое глаголание его, и разслабе тЪло мое, и разгорЪсь сердце мое, и умъ мой поколебася. И тако в поползновении и во грЪхъ велики впадохъ. Простите мя, сестры моя!» И падоша до земли на многъ часъ, лежаше на многъ часъ на земли. А они тако же от нея прощения прошаху и прощение межъ себя прияша со слезами. И тако стали имЪть постъ и молитву и милостыню, а отрока из монастыря выслаша и закрепиша ворота монастырския твердо, чтобъ мужескъ полъ не ходилъ нихто в монастырь.

     Отрок же той Андрей поиде во град Критъ и не познаше отца своего, ни матери. И наняся у отца своего винограда стрещи. И даде ему заповЪдь: «Аще кого узриши идуща въ виноградъ мой во дни или в нощи, устрели ево до смерти». И тако отрокъ стреже у господина съвоего винограда и заповеди ево творяше.

     И рече господин ево: «Пойду в виноград мой: искушу сторожа своего». И пришедъ полунощию к виноградным вратам. И увидЪвъ отрокъ той и взя лукъ свой и устрелил отца своего до смерти, чая, яко тать приде. И увиде отрокъ, что он господинъ ево есть, и убоялся и шед скры ево под яблонью и повЪда госпоже своей. И госпожа мало плакавъ погребе ево.

     И мало время минувъ, восхотЪ отрокъ той поняти госпожу свою в жену. И браку сочетавшуся веселяся. И возлегши на одръ спати, и хвати жена его за чрево и на чьреве рубецъ. И рече госпожа ево: «Како сей у тебе рубецъ?» Он же сказа ей по ряду, госпоже, от дЪтища сотворися над ним: и како его повелЪ убити отецъ ево, и какъ мати ево повелЪ утробу прорЪзати ножемъ, и какъ по марю на дщице плавал, к монастырю дЪвичью приплыл, и какъ игуменья и сестры вскормиша козлием млеком, и какъ грамоте научися, и какъ сотвори с ними грЪхъ, и какъ изгнаша ево из монастыря вон, и какъ приде во град Критъ. «И нынЪ понял тя, госпожу свою, в жену».

     Она же возопи гласом великим с плачем: «Не жена  твоя есть, но мати твоя азъ! Ты любимый мой сынъ Андрей, отца своего устрели в виноградЪ моем!» И вскочи Андрей вскорЪ со одра своего и рече: «О горе мнъ, окаянному, яко чрезъ законъ согрешихъ паче всЪхъ человекъ!»

     И посла мати ево во град Критъ искат отца своего духовнаго искусна исповЪдати ему вся съвоя согрЪшения по ряду. Иерей же не прости ево за ево многая согрЪшения. Он же Андрей уби того отца своего духовнаго налоемъ церковнымъ до смерти, изыде из церквы тайно единъ.

     И приде ко иному отцу духовному, тако же вся исповЪда ему своя согръшения, еже согрЪшихъ от юности своея и до днесь и доиде слово о блудЪ и о кровопролитии. Иерей же не прости ево грехъ: «Андрею, не подобаетъ нам таких на духъ приняти» И рече Анъдрей: «Глаголя Христос: «Приде в миръ призвати гръшныхъ на покаяние». Ты же, иерей, не хощеши простити мя во грЪсех моих. Рече во Еваньели: «Аще свяжете на земли, будетъ связанъ на небеси, аще разрЪшите на земли, будетъ разрЪшенъ на небесЪхъ». Иерей же рече: «Не хощу азъ таковаго грЪха носити на себе, яко не иматъ таковаго прощения человеку сотворивы грЪхъ». Андрей же и того иерея уби и поясом своим извлече ево из церкви вонъ.

     Так же прииде к третему иерею, исповЪда ему вся своя согрЪшения. И тотъ иерей не прости ево за его многия грЪхи. Андрей же и третьяго иерея уби замком церковным до смерти.

     И рече Андрей себе: «Иду во град Критъ, да тамо есть епискупъ Той мя прииметъ на покаяние, прозорливъ бо есть, да иметъ мя простити, и богобоязнивъ. Аще не иметъ мя простити, пойду в далную сътрану ко царю во Арду и возъдвигну рать велию и град Крит зажгу, а людей в плЪнъ возму, а епискупа убью».

     Благъ же и человеколюбецъ богь не хотя смерти грЪшником, ожидая их на покаяние. И прииде Андрей во град Критъ и поклонися епископу. Епискуп же приятъ ево и повелЪ сыскать мать Анъдрееву. И видЪвъ епискупъ Анъдрея украшена мужеством, яко хощетъ сосуд божи быти избранный, и начя вопрошати наедине. Андрей же исповъда епископу своя согръшения по ряду, еже сотъвори от юности своея и до старости. Епискуп же убояся суда божия и смерти и посла ево по матерь свою. И приде Андрей с матерью своею къ епископу. Епискуп же научивъ ихъ доволно и духовно и отпусти их.

     И повелЪ епискупъ погрепъ выкопать трехъсаженной, а в ширину пол сажени на две сътраны. Призва епискупъ Андрея с материю и посла ево по чернилы и по бумагу. И какъ Андрей въниде в погрепъ, епискупъ же повелЪ желЪзною цкою покрыти ево и запечатать во погребЪ. И даде заповЪд 30 лЪтъ: «И како наполнитца тотъ погребъ земли, и станетъ земля наверху погреба, тогда прощенъ будетъ от грЪховъ своих». А матери ево епискупъ нозри прорЪза и замкнулъ замком, а кълючь того замка повелЪ ввергнуть в море. А богатство ихъ повелЪ епискупъ раздати злато и сребро нищимъ. И повелЪ епискупъ Андреевой матери по миру ходить и господа бога спаса нашего славити и милости просити о своем согрЪшении. И рече епискупъ: «Тогда прощена будешь, какъ того замка ключь из моря выдетъ».

     Андрей же пребывъ в погребе, моляся богу о своем согрЪшении и приводя душу свою во многия притчи и каряше себе. И сложи канонъ, иже поетца Великий в постъ пятыя недЪли в четвертокъ. И достиже тридесятого лЪта.

     И приидоша ко епископу гости со многих стран во град Критъ. И прилучися жена та, еже 6Ъ у ней замок на нозряхъ. И вопросиша у нея гости: «Какой у тебя на нозряхъ замокъ сей, коею притчею сотворися тебЪ?» Она же повЪда имъ всемъ. И в то время повелЪ епискупъ на трапезу купить рыбы на торгу. И купиша рыбу, и спороша чрево ей, и выпаде из рыбы той ключь. И показаша ключь той епископу. Епискуп же повелЪ призвати АнъдрЪеву мать и повелЪ приложити к замку тому. И отпряну замокъ от носу ея. И повелЪ епискупъ АндрЪеву мать пострищи во иноческий чинъ.

     И прииде епискупъ ко Андрею со всем собором к погребу. АндрЪй же сЪдяше наверху погреба, дописываетъ девятую пЪснь канона великаго. И тогда епискупъ Критский восхвали бога и господа нашего Иисуса Христа, яко сподобися Андрей прияти прощение грЪховъ своих. И постриже епискупъ Андрея во иноческий чинъ.

     И принесе епискупъ канонъ той, что сложил Андрей, в церковь и прочьте ево всЪм людем вслухъ, на коеждом тропари метания и поклоновъ положить людем всЪмъ повелЪ. И тако епискупъ похвали бога вельми господа нашего Иисуса Христа.

     И призва епископъ Андрея к себе и рече: «Чадо мое, прости мя в семъ вЪце и в будущемъ. Иди и пребуди, чадо мое и брате, в монастыре моем три дни, а в четвертый день прииди и погреби тЪло мое грЪшное». И разболеся епискупъ в третий день и отиде ко господу. Андрей же погребе епискупа в церкви СпасовЪ.

     Изволи богу быть во градЪ Крите Андрею во епискупахъ 30 лЪтъ. Богоугодно поживе и праведно, постомъ и молитвами и милостынею и слезами, и бога умолив, и многия церкви воздвиже, и многия люди привлече ко спасению, и бысть ко всЪмъ людем милостивъ. И преставися в вЪчную жизнь о ХристЪ Иисусе, господе нашемъ. Ему же слава ныне и присно и во вЪки вЪковъ. Аминь.