ПОВЕСТЬ О ВЗЯТИИ СМОЛЕНСКА ИВАНОМ ГРОЗНЫМ

     В лЪто 7063 (1555) году месяца июля в 29 денъ на память святого мученика Калинника царь и великий князь Иванъ Васильевич всеа России своими рускими воеводами взял Смоленьскь-град. А стоял под градом три годы, занеже крЪпок град древяной бысть и острог. Не домысляше, како — приступом или подкопы — взят. И бысть Смоленска-града из болшей пушки стрЪлили, и прииде пушечное ядро и сорва маковицу от церкви Преображенья спасова, и поставивъ маковицу зле шатер царевь, да едва в шатрЪ царя маковицей не убило. Царь же разгнЪвася и заповЪда в той церкве не служить до скончания. И на утрии же другаго дни приЪхав посланник от тверскаго архиепископа Еуфимия, привезЪ замок и ключ и писание от архиепископа написано: «Благословляю тя, царю, и замыкай тем замком и отмыкай ключем Смоленскь-град». Царь же воспалився и ярости наполнися и повелЪ того посланника казнить и предать его смерти. А по архиепископа тверскаго скоро послал немилостива гонца и повелЪ его скована привести и злой смерти предати, занеже под градом три годы стоя и много крови пролье, рускаго воинства паде и казны истощив, а не можаху никако ж града взять. «А он, архиепископъ, мнЪ, царю, посмЪявся, велить град замыкать». И божию помощию Смоленска-града в третий денъ людие посидЪльцы град отворили и здалися царю гладные ради великие нужы. И государевы воеводы во град ехав, град взяли. Царь же той вины тверскому архиепископу отдаша, славя бога и пречистую его богоматерь.